EN
繁
那個送你Dream Big頸鍊的老公
上年12月頭，收到一個趕急嘅Order：客人Tony想訂Dream Big 鑽石頸鍊比佢太太Pinky。
臨近節日，都會收到唔少急單，通常係因為要趕去Party，又或者約咗某一晚食飯要送禮。但Tony嘅原因，係佢要搭飛機去澳洲見太太了，所以呢張單係紅色警報訊號嘅特急！
特急單就要睇吓好唔好彩有無現貨，尤其要鑲鑽石嘅呢款。
返到工作室，枱上面有一排呢個系列嘅頸鍊。我好緊張咁遂條頸鍊反轉，睇吓有無Dream Big⋯⋯唉，無啊！！！！
但係有一個玫瑰金鑲咗鑽石但未刻字嘅吊咀。
因為只係剩返呢個吊咀，我只得一次機會！所需嘅集中力同埋眼力，簡直係去到拆彈剪邊條金屬線咁focus。我當時個樣，應該係對眼突晒出嚟又鼻窿擴大咁款，氣都唔敢抖等啲氧氣自己走入去鼻窿算！
最後搞掂！Thank God!!! 有種坐完過山車嘅虛脫！
即刻同Tony報喜！回神之後，諗起訂Dream Big嘅客人，好多都係比自己，又或者送比朋友。老公送比太太，我有一種莫名嘅感動。我梗係要問啦！
「因為疫情，我哋一家四口已經分隔兩地一年了，
佢一個人係澳洲又要照顧大女又要打理頭家好犀利。
所以當我去到一家團聚嘅時候，我想俾返太太可以做返佢自己鍾意做嘅事。
佢鍾意煮嘢食，所以我打算同佢一齊係澳洲開一間小Cafe，發揮佢嘅所長，
所以揀咗Dream Big勉勵佢。」
嫁得好！呢位太太中咗世紀頭獎！嫁咗一個覺得自己照顧家人而好犀利，又支持自己Dream Big嘅老公！上上簽！上上簽！
對於夢想，有時旁人唔出聲已經算係幫忙（冷水永遠比熱水多）。但當你生命中嗰位陪你到最後嘅人係支持你去追夢的話，就好似你要爬一條追夢嘅木梯，而佢就喺下面扶實，等你安心一步步爬上去。你無事時佢幫你扶穩條梯，你爬到驚嘅時候望返轉頭，佢會叫你繼續爬唔洗驚，就算你落返嚟佢都一樣喺度。
幾日前我再問 Tony 近況，佢話：
「多謝你！我哋呢邊生活都好好呀。我太太仲好鍾意條頸條鏈添」
如果將來我去澳洲，希望食到太太Pinky煮嘅嘢啊！
(圖片為 Tony 及 Pinky ❤️）
#Dreambig #greenrivor #empowerment #diamondnecklace #encouragement
Leave a comment
Comments will be approved before showing up.
Also in Green Rivor's Blog
第二次表白 - 投稿
喺今年嘅情人節，向同你拍咗拖/結咗婚已有一段日子嘅女朋友/太太再次表白，除咗有機會得到佢嘅眼淚
，更可以得到Green Rivor 嘅折扣券
甚至鑽石首飾 
！截止日期：2021年2月11日
面對危機時，你的肌肉來了！
事情會過的，心可以被磨蝕，也可以被磨練。
在消極的環境裡，要麼繼續向前行，用困難幫自己脫一層舊皮；要麼原地不動但要穩如泰山地迎接巨浪。但不可以後退不可以說自己不行不可以說「早知」。
事情會過的，心可以被磨蝕，也可以被磨練。你自己決定。我看過生活在太平盛世下的自己。現在，我可決定生活在動盪不安的社會下，會是一個怎樣的自己。