EN
繁
將自己嘅護身符送比你
「諗個idea」係無止境嘅事，而家我只想專心做自己嘅設計，正準備謝絕時，點知佢話：
「近期自己有麻煩事困擾，一位舊同學知道後，將佢戴咗多年嘅幸運星手鏈轉贈俾我，佢話希望佢嘅幸福星可以帶我走過難關。（當下大家都驚訝對方有留意貴店品牌）」
我對眼即刻濛咗⋯⋯
嗰種友情、嗰種感動、嗰種愛！仲要大家不約而同都係Green Rivor 支持者(😭)
用我嘅手鍊作為護身符，又送出去希望為朋友打氣 ⋯⋯
唔好話諗Idea, 就算要我飛去太空攞粒火星落嚟做個皇冠比佢都得呀！
客人準備喺難關過後，將手鍊還返比佢嗰位朋友，但還之前，想喺手鍊加少少嘢以示感激。
我地覺得，朋友借手鍊比佢嘅嗰一日，要好好記住，唔單止要記住，最好仲可以睇到，要將佢實體化。最後決定，喺原本嗰條手鍊，加個小銀牌，一面刻上嗰日嘅日子，另一面刻一句關於星星嘅句子。因為呢粒星星，喺佢最困難嘅時候出現，名符其實就係漆黑中嘅星星。（寫到呢度，個心都仲係有種感動嘅暗涌）
最後客人決定用呢句：
13.10.2019
In darkness I see a star show me the light.
你當日比佢嘅，唔係星星手鍊，而係一粒永遠刻喺佢生命裡面嘅恒星！You’re a star on earth!
感動唔單止係呢個朋友嘅行動，仲有係我呢位客人，對於愛，佢加倍奉還！
多謝你們將幸運星放喺呢個位置⭐️。
（圖中右邊手鍊，係朋友送比佢嘅星星手鍊，然後加咗呢個小銀版。小銀版嘅刻字，喺受光時就會出現。左邊係佢新買比自己的呢！）
(後記：朋友收到加咗牌仔嘅手鍊後，比咗一個「要你不能呼吸」嘅擁抱我呢位客人❤️）
Leave a comment
Comments will be approved before showing up.
Also in Green Rivor's Blog
等幾耐都幫你等
個女人無笑容，撓埋雙手撓埋對腳，弓起個身打側咁坐 – 經典唔耐煩預備鬧人嘅body language 😤 .
我個早餐食咗一半，佢老公都仲未落嚟，我都忍唔住諗：「呀人哋老公，想點呀你，行快步啦唔該 🚶🏻♂️⋯⋯」
終於到咗！不過唔係老公 ⋯⋯
我個早餐食咗一半，佢老公都仲未落嚟，我都忍唔住諗：「呀人哋老公，想點呀你，行快步啦唔該 🚶🏻♂️⋯⋯」
終於到咗！不過唔係老公 ⋯⋯
人不可以貌相
由伯伯個門口去到我門口，唔洗十步。喺呢十步裡，我深切地領悟到一個宇宙真締：
書不可以睇封面，
人不可以貌相！
伯伯嘅故事，inspire 我去做一個 Life Story 嘅吊咀。唔係名人故事先至好睇，隔離阿叔嘅故事分分鐘勁到令人斷片。
我好鍾意寫人嘅故事，太精彩了！尤其係呢啲人不可以貌相嘅情節，簡直係一盆新鮮曲奇🍪🍪🍪！可口回味！
#人不可以貌相
