EN
繁
人地話萬事俱備，只欠東風。我而家何止有東風，仲有埋颱風。
我本身係一個好信天意嘅人，亦都覺得，只要你想，就會做到。
但今次，呢個問題我真係諗咗好耐 ⋯⋯
話說我而家租緊嘅工作室，其實已經唔係好夠用，但因為搵唔啱其他更好的，所以細極都用住先。
我有諗過，呀，如果可以租埋隔離個單位就好了。但隔離個租客係長期又穩定嘅租客，應該會繼續租落去。
但係兩個月前佢唔租了。之後佢個單位吉咗兩個月。我日日都入去望吓。
佢個單位，只係大過我少少少少，租金卻貴好多，所以我諗，算啦，都係唔諗嘞。不過⋯⋯
我又忍唔住諗，如果我個單位同呢個單位打通咗就好正了！不過，以業主嘅性格，幾乎係無可能嘅事。
但你又點會估到，會有一個山竹，幫我吹爛咗幅牆！今朝個師傅嚟拆走幅牆，
即係⋯⋯而家打通咗！
而家我要覆業主，究竟租唔租埋另一邊。如果租埋，又係要簽兩年，租金當然係貴而家一倍⋯⋯
我而家係掙扎喺天意與現實之間。
人地話萬事俱備，只欠東風。我而家何止有東風，仲有埋颱風。人生有幾可，你想要嘅嘢，可以咁樣實現？
你話我應該點做？
Leave a comment
Comments will be approved before showing up.
