我相信閏蜜之間有愛情

December 19, 2018

我相信閏蜜之間有愛情

啱啱過去嘅赤柱聖誕市集,第二個星期比第一個星期更熱鬧。原本諗拍個VIDEO同大家分享吓,點知上載咗先發覺⋯⋯無聲嘅⋯⋯😩

做市集,尤其大時大節嘅市集,見得最多係乜嘢呢?係情侶、係閏蜜、係恩愛嘅夫妻。喺我地呢個小檔前發生嘅事,有啲真係好比一幕又一幕嘅短劇。

今日講住呢件事比大家聽先:

有兩個女仔,我先叫佢地做爽爽同靜靜。佢地兩個前前後後埋嚟睇埋嚟揀咗三、四次。爽爽揀咗幾條鍊,每次都會問靜靜佢覺得邊條好啲。爽爽其實講嘢都幾硬朗的,而靜靜就真係好文靜(應該係搭小巴嗌唔到落車嗰種)。爽爽一路揀嘅時候,靜靜除咗比意見,就係好有耐性咁等,等爽爽揀、等爽爽問、等爽爽試⋯⋯

到咗夜晚,爽爽終於決定買邊條。但佢又想睇吓戴上去會係點樣,佢就問靜靜借條頸嚟試吓。靜靜當然又係好乖咁比爽爽將條頸鍊試喺佢條頸度,然後微笑咁等候發落。

爽爽望住靜靜,然後同我講:「呢條啦,幾錢?」

然後當靜靜伸手想除返條鍊出嚟,而我同老公已經起勢咁準備PACKING時,爽爽好爽咁同靜靜講:「唔洗除,係比你嘅。」

我同老公,當場比爽爽嘅氣勢溫柔地淹蓋。靜靜真係呆咗,所以爽爽再重覆多次「係比你㗎!」。

如果閏蜜之間有愛情,靜靜嗰刻嘅表情一定係最佳嘅演繹。嗰種180度逆轉嘅結局,我話比你知,現場睇真係異常感人!

#外剛內柔真係好攞命呀





Leave a comment

Comments will be approved before showing up.


Also in Green Rivor's Blog

那個送你Dream Big頸鍊的老公
那個送你Dream Big頸鍊的老公

January 17, 2021

但當你生命中嗰位陪你到最後嘅人係支持你去追夢的話,就好似你要爬一條追夢嘅木梯,而佢就喺下面扶實,等你安心一步步爬上去。你無事時佢幫你扶穩條梯,你爬到驚嘅時候望返轉頭,佢會叫你繼續爬唔洗驚,就算你落返嚟佢都一樣喺度。 

View full article →

面對危機時,你的肌肉來了!
面對危機時,你的肌肉來了!

March 20, 2020

每一件事都係一個循環嘅開始。你今日嘅態度,會決定無數個聽日嘅行動,組成你嘅將來。而將來係base on 你嘅驚定係你嘅積極,really up to you. 其他人想插手都唔得。

View full article →

事情會過的,心可以被磨蝕,也可以被磨練。
事情會過的,心可以被磨蝕,也可以被磨練。

February 13, 2020

在消極的環境裡,要麼繼續向前行,用困難幫自己脫一層舊皮;要麼原地不動但要穩如泰山地迎接巨浪。但不可以後退不可以說自己不行不可以說「早知」。 

事情會過的,心可以被磨蝕,也可以被磨練。你自己決定。我看過生活在太平盛世下的自己。現在,我可決定生活在動盪不安的社會下,會是一個怎樣的自己。

View full article →