年輕人是這樣拍拖的?我好脫節啊!

February 15, 2019

年輕人是這樣拍拖的?我好脫節啊!

2019年2月14日。車站。

尋晚喺車站,準備起跑趕往會合老公時,我比個好後生嘅男仔吸引咗,心都跳埋落路軌!
·
其實係我望到佢嗰一刻,嗰半秒內,佢嘅眼神就啱啱同我前面個女仔對上。佢一見到個女仔出現,就即刻反射動作咁將個頭向左chok一chok, 然後再向右chok一chok, 幅度好微細亦好快,可以話係暗chok。呢一連串嘅動作,其實係想make sure佢額前嘅頭髮無走位,即係,唔洗用手都可以撥到前面嘅頭髮(你明唔明?)。雖然個頭郁緊,但佢嘅眼神仍然可以置中,一直望住個女仔。
·
女仔行到佢身邊,我好驚訝佢地無即時拖住。一直上到扶手電梯,佢地嘅距離都唔係屬於情侶級的。個女仔將一邊耳筒比個男仔試聽,然後又攞返,雖然超好笑容咁不斷同個男仔講嘢,但個男仔都只係默默咁聽,然後⋯⋯個男仔仲要行上咗一級!
·
我睇到呢度,個心真係七上八落,喂喂你地約得情人節食晚飯,但又似是而非咁嘅?OMG係唔係今晚會表白啊!我呢個路人甲喺後面真係好緊張(痴線⋯⋯關我咩事其實),好想為你地大大的給力呀!
·
搭完扶手電梯,佢地行咗幾步,終於比我等到啦!
·
個女仔主動去撈男仔嘅手臂,然後再順勢拖住佢隻手。
·
咁樣,呢個應該係佢地第一個情人節。(你就比我當係啦!)
·
然後我將成個劇情倒帶再重溫:
·
佢見到個女仔啱啱嚟到嘅嗰一秒,真係眼裡有星光:由驚訝到興奮到溫柔,我完全看在眼裡。女仔用分享耳筒嚟遮掩約會嘅興奮、男仔因對佢既熟悉(已經係女朋友)又陌生(啱啱先做女朋友)、愈想走近但愈要行開,然後不知所措咁行上咗一級⋯⋯
·
令我心動嘅,唔係佢地本人,而係呢種最RAW最真實嘅眼神同埋,我成日掛喺口邊嘅,愛。
·
沒有修飾嘅情感一定係最動人,所以你地知唔知由2月11至2月13號呢三日裡面,我真係處於非常緊張嘅狀態,驚件貨遲到,驚會令你送唔切。呢幾日嘅訂單,九成都係男士買比另一半做情人節禮物,每個order 寄出前,我都會祝福件首飾,希望你地喺送禮物嗰一刻係最甜蜜的,因為你送嘅唔係一件物件,而係愛。我會期待你送比佢嘅時候,都會有嗰種眼裡有星光嘅眼神,真心祝福你地直到永永遠遠。
·
(圖片為當時人,我好想留住人地嗰一刻)
(相入面佢地其實無拖住,女仔嘅右手仲揸住銀包)





Leave a comment

Comments will be approved before showing up.